Policia e Shkodrës ka vënë në pranga Miklor Gjokën, një prej personave të dyshuar si i përfshirë në vrasjen e 46 vjecarit Ridvan Ramazani paraditen e së shtunës në afërsi të fshatit Mushan. Ai akuzohet për vrasje me paramendim e kryer në bashkëpunim. Ndërkaq në kërkim janë shpallur dy aautorët e tjerë dy vëllezërve Hydajet Mehmedaj 33, vjeç dhe Duel Mehmedaj, 31 vjeç, banues në Mushan. Nga veprimet hetimore të kryera gjatë së shtunës dyshohet se këta shtetas, në bashkëpunim me njëri-tjetrin, në afërsi të një pike karburanti, në fshatin Mushan, kanë varë me armë zjarri në mjetin e tij, Ridvan ramazani, pas një konflikti të ndodhur midis palëve disa orë para ngjarjes. Policia e shkodrës ka bërë edhe arrestimin në flagrancë, për veprën penale “Moskallëzimi i krimit”, të dy shtetasve te tjere të cilët kanë qënë prezent kur ka ndodhur ngjarja dhe nuk kanë kallëzuar në organet kompetente per krimin e ndodhur. Ridvan Ramazani u gjet u vdekur me disa plumba në automjetin e tij të shtunën paradite. Ai ndërhyri për të sqaruar me autorët e krimit konfliktin qe djali i tij kishte pasur me ata po gjatë asaj dite. Në vendin e ngjarjes policia sekuestroi në cilësinë e provës materiale, një armë zjarri pistoletë, dy krehëra me fishekë pistolete, gëzhoja të armës automatike, automjetin e viktimës dhe prova të tjera të vlefshme që do t’i shërbejnë zbardhjes dhe dokumentimit të ngjarjes.