Prokuroria e Tiranës ka kërkuar burgim të përjetshëm për Bledar Jambelli dhe Kristaq Leçi të akuzuar për vrasjen e Artan Cukut, ish-drejtorit të Policisë Vlorë. Mbi të dy rëndojnë veprat penale “Vrasje të punonjësve të Policisë së Shtetit” dhe “Mbajtje pa leje të armëve luftarake”. Sipas hetimeve Bledar Jambelli, në vitin 2012 është hetuar nga Shërbimet e Policisë në Drejtorinë Vendore Policisë Vlorë për ngjarje të rënda kriminale konkretisht vrasjes së dy personave. Për këtë arsye ai u vu në pranga në kohën kur në krye të kësaj drejtorie ishte viktima Artan Cuku. Pikërisht për këtë shkak, në vitin 2017 në shenjë hakmarrjeje përgatiti vrasjen e ish-Drejtorit Policisë Vlorë. Ai ka bashkëpunuar me Kristaq Leçin dhe Mikel Shallari, ky i fundit ekzekutuesi i krimit, i cili pas arrestimit pranoi krimin dhe bashkëpunoi me drejtësinë duke marrë një dënim më të lehtë prej 10 vitesh burg.