Vitet e fundit në Shqipëri ka një perfeksionim të krimit ndaj personit. Të gjitha atentatet që kanë bërë bujë në vend janë kryer nga vrasës të paguar dhe thuajse në asnjë rast nuk janë zbuluar autorët. Kjo për faktin se vrasësit me pagesë janë profesionistë, por edhe se në çdo rast atentati djegin makinat dhe zhduket çdo gjurmë e mundshme. Kështu ka ndodhur në Fier, Laç, Elbasan, Vlorë dhe Tiranë në atentatet që kanë ndodhur në këto zona gjatë kohëve të fundit. Vrasësit me pagesë janë njerëz të zakonshëm, por me cilësi psiko-motorre shumë më ndryshe nga të zakonshmit. Janë ata që ndryshe njihen me profesionin "killer". Vetëm se perfeksionimi i killer-ave ia ka shtuar peshën e vështirësisë policisë. Eshtë shumë e vështirë që të kuptosh se nga dhe si është bërë krimi. Njerëz me konflikte të hershme dhe pjesë të hakmarrjeve janë gjetur të vrarë. Dosjet kanë mbetur pa autorë, por me regjistrimin perfekt të vrasjeve të kujdesshme nga duar profesionistësh.