Socialistët kërkojnë t’i rikthehen praktikës së ndjekur deri në vitin 2005, kur numërimi i votave bëhej direkt në qëndrat e votimit, pa qënë e nevojshme grumbullimi i tyre në KZAZ. Kryetari i komisionit të ligjeve, Ulsi Manja u shpreh se duhet të merren masa që rezultati elektoral të dalë më shpejt. Sinkron Manja: “Duhet të adresohet shpejt procesi i numërimit të votave. Nëse do t’i kthehemi numërimit në qendrat e votimit është krejtësisht e mundur që edhe rezultati në Shqipëri do të dalë në një kohë rekord jo më shumë se 2 orë pasi mbyllet votimi. Shkaqet që na çuan te parashikimi i Kodit për numërimin e votave në qendra numërimi ka rënë. Ishin shkaqe dhe faktorë të tjerë atëherë që partitë e ndërmorën këtë veprim, që kishin të bënin me garantimin e procesit, shmangien e konflikteve në qendrat e votimit.”