Takimi I kryeministrit Edi Rama në Selanik me komunitetin shqiptar ka marrë vëmendjen e shtypit grek, dhe veçanërisht medias CNN Greece, që i ka kushtuar një artikull deklaratave të tij dhe më së shumti marrëdhënieve mes dy shteteve por dhe vizitës që ministri i jashtëm turk Hakan Fidan do të zhvillojë në Athinë. Marrdhëniet e qeverisë greke më Shqipërinë dhe Turqinë vijojnë të jenë jo të mira për shkak të problemeve të shelfit kontinental por dhe çështjeve të tjera, thuhet në artikull. Deklaratën e kreut të qeverisë për vorio epirin, media greke e quan një provokim ndërsa sjell përgjigjen e menjëhershme të ministrisë së jashtme të Greqisë që përmëndi edhe njëherë çështjen e integrimit. Guxim, media greke, quan dhe deklaratën e kreut të qeverisë për çështjen e pronave në Himarë për të cilën Rama tha: “se ka një keqkuptim total për pronat në Himarë, dhe ka shumë dezinformata në lidhje me çështjen e pronës, sepse nuk ka një gjë të tillë si problem specifik të pronave atje” ndërsa shtoi se artikujt për shpronësime dhe devijime të mediave fqinje janë thjeshtë propagandë. Sipas CNN Greece, Athina tashmë duhet të veprojë në dy fronte pasi balancat me Shqipërinë dhe Turqinë janë delikate.