Një 20-vjeçar ka rënë në prangat e policisë së Tiranës, pasi ka thyer me mjete të forta dyert e tre marketeve, duke vjedhur shuma parash. Ai është identifikuar dhe arrestuar nga autoritetet. Ky shtetas u arretsuar nga operacioni policor i koduar "Precedenti. Gjatë natës, i riu, i cili është dënuar më parë për krime të ngjashme, u kap pas denoncimeve të administratorëve të marketeve. Specialistët e Hetimit të Krimeve në Komisariatin e Policisë numër 4 organizuan një hetim të detajuar dhe e vunë atë në pranga. Ai dyshohet se, gjatë natës së 28 marsit dhe 6 prillit, ka përdorur një levë hekuri për të thyer dyert e marketeve dhe për të vjedhur para. Krahas sekuestrimit të mjeteve të forta që përdorte autori, hetimet vijojnë për zbardhjen e mundshme të vjedhjeve të tjera që mund të ketë kryer.