Policia ka reaguar pas tentativës së grabitjes së karburantit në Vlorë mbrëmje e se henes. Ngjarja u regjistrua në orën 20:30, në lagjen “Hajro Çakërri”, ku dyshohet se një person, ende i paidentifikuar, ka kërcënuar punonjësin e karburantit, një 59-vjeçar me inicialet V.Rr, të cilin e ka goditur me një send të fortë, duke i shkaktuar dëmtime të lehta. Sipas njoftimite te policise, dyshohet se autori I grabitjes ka tentuar të vjedhë me dhunë por nuk ka mundur ta realizoje, dhe është larguar me shpejtësi. Shërbimet e policisë kanë shkuar menjëherë në vendngjarje dhe vijon krehja e zonës për kapjen e autorit.