Ka nisur këtë të hënë vaksinimi i pedagogëve të Universitetit ‘Ismail Qemali’ në Vlorë. Pedagogë dhe personel i administratës nuk kanë hezituar aspak teksa I janë nënshtruar të gjithë procesit të vaksinimit. AstraZeneca tashmë e vërtetuar shkencërisht dhe ne I besojmë shkencës, raportohet të jenë shprehur pedagogë të intervistuar sot në mjediset e hollit të universitetit të Vlorës pyetur për vaksinën astazeneca. Autoritetet bëjne të ditur se këtë të hënë është planifikuar të vaksinohen 170 persona të botës akademike në Vlorë, ndërsa vaksinimi do të vijojë edhe nesër me personat që për momentin kanë problem shëndetësore. Kryeepidemiologu Agron Bashllari konfirmon mbarëvajtjen e procesit në të gjitha targetgrupet, që nga bluzat e bardha që po marrin dozën e dytë të vaksinës, mësuesit e arsimit parauniversitar në Vlorë si dhe moshat 80-90 vjec.