Djegia e makinave vijon të jetë një fenomen shqetësues në qytetin e Vlorës. Një tjetër rast i përfshirjes së automjeteve nga flakët është konstatuar rreth orës 03 51 të natës në lagjen 1 maji në Vlorë. Sipas policisë zjarri ka rënë fillimisht mbi një mjet tip fugon. Por si pasojë pasojë e flakëve është dëmtuar pjesërisht dhe një automjet tip ”Pegeot”, i parkuar në afërsi të tij, në pronësi të shtetasit E. Gj., banues në Vlorë. Grupi hetimor pas njoftimit të marrë ka shkuar në vendin e ngjarjes dhe ka kryer veprimet paraprake, por ende nuk ka një konfirmim zytar mbi shkaqet e rënies së zjarrit. Po dje në afërsi të Novoselës një tjetër automjtet ka marrë flakë gjatë kohës që drejtuesi kishte ndaluar për rip[arimin e e një defekti. Por për një kohë të gjatë djegia e makinave në mënyrë të qëllimshme ka qenë një nga shqetesimet kryesore të policisë së Vlorës dhe në shumë raste ngjarjet kanë mbetur të pazbardhura.