3 ngjarja kriminale janë regjistruar në Berat në ditën e fundit, duke nisur nga shpërthim tritoli, dhuna në familje e deri tek vjedhja. Në Lagjen ‘Çlirim’, në Berat rreth orës 4 të mëngjesit, është vënë një sasi eksplozivi në derën e një lokali, e cila ka shpërthyer duke shkaktuar dëme materiale. Për pasojë, autoritetet kanë ngritur një grup hetimor për identifikimin, kapjen dhe vënien para përgjegjësisë penale të personave të përfshirë. Ndërkohë po në Berat janë referuar materiale në Prokurori, ku edhe ka nisur procedimi në gjendje të lirë për një 54-vjeçar, banues në Kuçovë, I cili akuzohet për dhunë në familje. Sipas policisë 54-vjeçari dyshohet se ka dhunuar psikologjikisht nënën, motrën dhe mbesën e tij të vogël. Ndërsa po në Kuçovë, janë referuar materialet në prokurori, për një 48-vjeçar I cili dyshohet se ka vjedhur në banesën e një fqinji, një telefon dhe vegla pune. Sipas të njëjtave informacione ndaj 48-vjeçarit ka nisur procedim në gjendje të lirë.