Donald Trump, në një nga konferencat e përditshme për koronavirusin në Shtëpinë e Bardhë, më 17 prill, bëri parashikimin e tij për numrin e amerikanëve që mund të humbisnin jetën nga sëmundja. “Ne duket se do të shkojmë drejt 60 ose ndoshta 65 mijë viktimave”, tha ai. Sidoqoftë, parashikimi i tij për një total prej 60 mijë viktimash, është kaluar që më 1 maj, dy javë pasi ai e bëri atë. në fund të atij muaji u kaluan 100 mijë viktimat. Tani, më pak se katër muaj më vonë, shifra është dyfishuar sërish dhe virusi ka marrë më shumë se 200 mijë jetë njerëzish, pa dhënë sinjale se mund të ndalet shpejt. E pas këtij rekordi, Donald Trump thotë se 200 mijë viktima janë për të ardhur keq por mund të kishin qenë rreth 2.5 milionë viktima nëse ai nuk do të kishte marrë masa.