Në ambientet e posaçme të stadiumit “Air Albania’ në Tiranë, po vijon procesi i vaksinimit me të moshuarit mbi 80 vjeç. Kryeministri Edi Rama dhe ministrja e Shëndetësisë Ogerta Manastirliu ndoqën nga afër procesin e vaksinimit. Manastirliu tha se listat me të moshuarit që po vaksinohen janë hartuar nga mjekët e familjes. Ajo tha se brenda 10 ditëshit të parë të marsit priten të vijnë edhe 14 mijë vaksina të AstraZenecës nga COVAX me të cilat do të vaksinohen personat nën 65 vjeç.