Kanë mbërritur në vendin tonë edhe 340 mijë vaksina kineze coronavac, si pjesë e fushatës për imunizimin e popullsisë kundër covid 19. Lajmin e ka bërë të ditur kryeministri Edi Rama përmes një postimi në rrjetin social Facebook. Numri total i vaksinave që kanë ardhur në vendin tonë deri më tani ka shkuar në 1,578,790 doza. Ndërkohë janë mbi 1 milionë doza ë tashmë janë injektuar të qytetarët, një pjesë e mirë e të cilëve tashmë kanë marrë të dy dozat. Aktualisht vaksinimi masiv po vijon për moshat mbi 50 vjeç. Ndërkohë prej gati një jave ekipet e lëvizshme kanë nisur vaksinimet derë më derë për t’u dhënë mundësi personave, dhe sidomos të moshuarve që nuk mund të lëvizin nga banesa të vaksinohen. Procesi I vaksinimit në vendintonë nisi më 9 janar të këtij viti me 975 dozat e para të vaksuinës Pfizer të dhuruara në atë kohë nga një vend I BE. Q nga ajo kohë e këtej janë administruar vaksina të tjera Pfozer, Astrazeneca Coronavac dhe Sputnik v të siguruara përmes kontratave të qeverisë shqiptare me kompanitë prodhuese, ose kanë mbërritur si donacione nga shete dhe organizma të ndryshëm.