Drejtoria e Krimit Kibernetik dhe Prokuroria me Urdhër të Gjykatës goditën disa operatore interneti ISP që kryenin pirateri të kanaleve televizive të Digitalb. Gjatë aksionit të zhvilluar u proceduan operqtorë interneti ISP në Tiranë, Vlorë, Shkodër, Sarandë, Lezhë por dhe qytete të tjera. Aktiviteti i piraterisë televizive është një fenomen që po dëmton direkt konsumatorin që paguan për një sherbim që nuk e mer. Ndërkohë aksioni do të vijojë dhe me goditjen e të gjithë operatorëve por dhe individëve të tjerë që kryejnë pirateri televizive dhe që mashtrojnë konsumatorin. Edhe më herët Drejtoria e Krimit Kibernetik në bashkëpunim me prokurorinë kanë goditur këtë fenomen që argëtimin e kthejnë në mashtrim. Edhe pse duken si një zgjidhje perfekte, qindra kanale, filma pa fund, sporte live, pasi ofrohen me një çmim qesharak, pas kësaj oferte joshëse, fshihet një mashtrim i rrezikshëm që po prek mijëra konsumatorë shqiptarë.