Agjencia e vlerësimit të kreditit “Standard & Poor’s Global Ratings”, ka rikonfirmuar vlerësimin “BB” për Shqipërinë, që tregon një perspektivë ekonomike të qëndrueshme. Pak ditë më parë edhe agjencia ndërkombëtare Moody’s konfirmoi vlerësimin “Ba3’ për Shqipërinë. Sa i takon financave publike, Standard and Poor’s parashikon një deficit buxhetor prej rreth 2.4 për qind të PBB-së në vitin 2026, që është pak më i lartë se objektivi prej 2.3 për qind i autoriteteve shqiptare. Gjatë periudhës afatmesme, agjencia parashikon që borxhi publik të stabilizohet pranë 50 për qind të PBB-së nën kuadrin fiskal të ankoruar nga Ligji Organik i Buxhetit. Sa i takon rritjes ekonomike, Standard and Poor’s parashikon një rritje të PBB-së reale prej 3.7 për qind për vitin 2025 dhe më shumë se 3 për qind për periudhën 2027-2029. Motori kryesor i ekonomisë pritet të vazhdojë të jetë turizmi.