Një pacient 60-vjeçar i dha fund jetës në mesnatë, duke u hedhur nga ballkoni i spitalit “Shefqet Ndroqi”, i njohur si COVID/2. Policia njoftoi se 30 minuta pas mesnate është vetëhedhur nga lartësia e një spitali shtetasi me inicialet L.S. 60 vjeç, i cili për pasojë ka ndërruar jetë. Grupi hetimor dhe shërbimet e Policisë ndodhen në vendngjarje dhe vijojnë punën për zbardhjen e rrethanave të ngjarjes. Nuk dihen ende shkaqet që e çuan L.S. që të kryente aktin e vetëvrasjes, ndërsa bëhet e ditur se ai prej disa ditësh kurohej në këtë spital pasi ishte prekur me covid 19. Ky është viktima e pestë që ka kryer aktin e vetëvrasjes deri tani në dy spitalet, “Shefqet Ndroqi” dhe “Infektivi”. Sipas burimeve bëhet e ditur se pacienti ka shfrytëzuar një moment, kur në dhomë nuk ka pasur asnjë mjek apo infermier. Duket se ngarkesa psikologjike e ka shtyrë të moshuarin të ndërmarrë një veprim të tillë. Pak kohë më parë pati një debat për vetëvrasjet dhe autoritetet shëndetësore të Shefqet Ndroqit thanë se kanë shtuar psikologët për pacientët.