“Vetëm zoti mund të më bindë që të heq dorë nga kandidimi”, kjo ka qenë përgjigja e presidentit amerikan Joe Biden gjatë një interviste të dhënë të premten për AbcNeës. Ai e cilësoi si një performancë jo të mirë paraqitjen e tij në debatin e parë presidencial përballë rivalit Donald Trump, ndërsa theksoi se nuk ka në plan të tërhiqet nga zgjedhejt e 5 nëntorit. “Nuk ka tregues për ndonjë sëmundje serioze. Isha i dërrmuar. Nuk ua vura veshin instinkteve të mia në lidhje përgatitjet... ishte një natë e keqe”, tha 81 vjeçari Joe Biden që shtoi se gjithçka ishte thjesht një natë e keqe dhe se tashmë ka kaluar. Kreu I shtëpisë së Bardhë kërkoi nga votuesit që të mos votëbesojnë Trump me argumentin se rizgjedhja e tij do të shkatërronte demokracinë në vend. Por nga ana tjetër sondazhet tregojnë se Biden ka humbur besimn tek një pjesë e madhe e demokratëve. Një në tre perj tyre kërkon largimin e tij nga gara. Sondazhi dyditor që u mbyll të martën, zbuloi se Trump, 78 vjeç, dhe Biden, 81 vjeç, ruajnë mbështetjen e 40% të votuesve të regjistruar. Në debatin e parë, Biden pothuajse belbëzoi gjatë gjithë kohës, ndërsa të dy kandidatët u përfshinë në akuza e kundërakuza dhe jo në problemet që po prekin amerikanët.