Volvo do të shesë vetëm makina elektrike nga 2030. Lajmi është konfirmuar nga shtëpia suedeze e prodhimit të makinave. Ajo do të nxjerrë deri atëherë nga prodhimi të gjitha modelet e makinave me motorë më djegie, përfshirë madje edhe hibridët. Prodhuesi i makinave planifikon të investojë shumë edhe në shitjet online dhe thjeshtimin e produkteve të tij. Ai po përpiqet të përfitojë nga kërkesa në rritje për makina elektrike, përfshirë Kinën që ëhstë një nga tregjet më të mëdha të tij. Prodhuesit e makinave po reagojnë ndaj presionit të qeverive përreth botës për të përshpejtuar planet për makina elektrike. Psh, makina të reja, me motor me naftë apo benzinë nuk do të shiten në britaninë e madhe nga 2030. Shefi i teknologjisë në Volvo, henrik Green, tha se kompania duhej të ndryshonte drejtim: Nuk ka një të ardhme afatgjatë për makinat me motor me djegie – tha ai. Volvo ndërkohë nuk do të investojë tek makinat me hidrogjen pasi nuk mendon se do të ketë kërkesa të mjaftueshme nga klientët. Po ashtu ka edhe hezitim për faktin se hidrogjeni mund të jetë më pak i disponueshëm në krahasim me pikat e karikimit për makinat elektrike.