Turqia ka lehtësuar më tej masat për shtetasit shqiptarë që udhetojnë drejt këtij venndi. Njoftimi është bërë nga Aeroporti ‘Nënë Tereza’ që ka bërë të ditur se për pasagjerët që do të udhëtojnë drejt Turqisë nuk është i nevojshëm të kryhet testi PCR nëse posedojnë dokumentin që vërteton se janë vaksinuar të paktën 14 ditë përpara hyrjes në këtë vend. “Nuk duhet të kryejnë testin PCR ata pasagjerë të cilët vërtetojnë me anë të një dokumenti se kanë kaluar koronavirusin në 6 muajt e fundit. Pasagjerët që nuk janë vaksinuar dhe nuk e kanë kaluar COVID-19 në 6 muajt e fundit, duhet të kenë kryer testin PCR maksimumi 72 orë përpara nisjes, ose testin e shpejtë antigjen 48 orë përpara fluturimit. Testi PCR kryhet edhe në aeroport, por jo testi antigen”, thuhet në njoftimin e Aeroportit të Rinasit. Turqia kishte vendosur pak kohë më parë që të kushtëzonte hyrjen e shteasve shqiptarë në territorin e saj, vetëm me testin negativ të covid të kryer gjatë 72 orëve të fundit. Por duket se tashmë që pandemia në vendin tonë është në një fazë të përmirësuar, por edhe për shkak të sezonit turistik që sapo kanisur ka vendosur ta lehtësojë hyrjen e shqiptarëve në territorin e saj.