Vetëm 12 civilë kanë mundur të dalin nga uzina e celikut Azovstal, në mariupol, një ditë më parë, ndërsa Ukraina akuzon rusinë se po shkel armëpushimin. Qindra civilë, sipas zyrtarëve, mbeten të bllokuar në tunelet e nëndheshme të uzinës, bashkë me rreth 2 mijë mbrojtës ukrainas. Dështimi i rusisë për ta shtënë në dorë Azovstalin, ka shkrumbuar shpresat për një fitore para paradës së 9 majit në Moskë, që shënon fundin e luftës së dytë botërore. Andriy Biletsky, që po udhëheq mbrojtjen me njësinë elitë të batalionit Azov, tha: Luftimet po vazhdojnë, bombardimet nuk ndalen. Cdo minutë që kalon rrezikon më shumë jetët e civilëve, ushtarëve dhe të plagosurve. Të paktën një ushtar ukrainas ka humbur jetën dhe gjashtë të tjerë janë plagosur pasi forcat ruse qëlluan një mjet me armë antitank.