Ministria e Mbrojtjes e Mbretërisë së Bashkuar tha më parë se avionët britanikë F-35 kishin rrëzuar dronë armiqësorë mbi Jordani , Irak dhe Katar . Forcat e Mbretërisë së Bashkuar “po mbrojnë në mënyrë aktive partnerët në të gjithë rajonin si pjesë e veprimeve të koordinuara mbrojtëse”, tha Ministria e Mbrojtjes në një deklaratë në faqen e saj të internetit. Thuhet se kjo ishte hera e parë që një avion F-35 i RAF-it ka shkatërruar një objektiv gjatë operacioneve. Ndërkohë ushtria amerikane thotë se ka goditur më shumë se 1,700 objektiva që nga fillimi i operacionit kundër Iranit. Sipas njoftimit, objektivat e goditura përfshijnë vende raketash, anije të marinës, nëndetëse dhe qendra kontrolli. Centcom shtoi se SHBA-të përdorën avionë - duke përfshirë disa avionë luftarakë - si dhe sisteme raketash dhe anije për të kryer sulmet. Kurse ushtria izraelite tha se ka vrarë komandantin e Forcës Quds të Iranit në Liban , Daoud Ali Zadeh , në një sulm ndaj Teheranit.