Një pjesë e mirë e vendeve të Ballkanit Perëndimor e kanë porositur tashmë vaksinën kineze, por Hungaria u bë shteti I parë anëtare I Bashkimit Europian që bën të njëjtën gjë. Kryeministri hungarez, Viktor Orban, dekaroi se ai vetë do të marrë vaksinën së cilës I beson më shumë. Instituti Kombëtar i Farmacisë dhe Ushqimit i dha dritën jeshile vaksinës Sinopharm” u shpreh shefja e Zyrës për Mjekësi, Cecelia Muller. Njoftimi I saj erdhi një ditë pas dekretit qeveritar që parashikon se secila vaksinë që u është dhënë më shumë se 1 milion personave në botë, mund të përdoret edhe në Hungari. Kjo e fundit ka vepruar ndryshe nga anëtarët e tjerë të bllokut. Duke sfiduar Brukselin, ajo I ka ofruar licencë të përkohshme vaksinës ruse kundër koronavirusit, Sputnik V, e ka porositur tashmë doza për 1 milion persona me qëllimin të vaksinojë shtetasit e vet në tre muajt e ardhshëm. “Pas vaksinave të kompanive, Pfizer, Moderna, AstraZeneca dhe asaj ruse, ne mund t’i besojmë edhe vaksinës Sinopharm”, u shpreh Muller. Arsyetimi I Orbanit ishte se kinezët e njohin më mirë këtë virus. Serbia u kthye këtë muaj në vendin e parë në Europë që ka nisur programin masiv të imunizimit me vaksinën kineze.