Vendi europian që ka shtyu përpara hapjen e negociatave me Shqipërinë dhe i vuri ultimatum Brukselit për të mos lënë pas dore Tiranën dhe Shkupin është Austria. Vjena zyrtare është motorri lëvizës pas vendimit të BE për të nxjerrë nga dhoma e pritjes vendin tonë. Austria doli me një ultimatum në takimin e fundit të liderëve të BE-së për të mos lënë prapa Ballkanin Perëndimor, ndërsa Brukseli I dha statusin e vendit kandidad Ukrainës dhe Moldavisë. Lajmi konfirmohet nga ministrja austriak për BE Karoline Edtstadler në një intervistë për EURACTIV. Ajo zbulon se gjatë takimit të fundit të liderëve të BE-së në qershor, Austria i ra ‘tavolinës me grusht’ dhe u kujtoi vendeve të tjera se negociatat me Shqipërinë dhe Maqedonisë së Veriut nuk mund të shtyheshin me të. Ministrja thotë se kompromisi midis Bullgarisë dhe Maqedonisë së Veriut dhe mbajtja e konferencës së parë të anëtarësimit me Shqipërinë dhe Maqedoninë e Veriut janë rezultate të rëndësishme të këtyre përpjekjeve të Vjenës zyrtare. Meqenëse pranimi në bllok është një proces i gjatë dhe i vështirë, Austria po mbështet gjithashtu nismën franceze për një "Komunitet Politik Evropian" që do të lejonte integrimin gradual të Shqipërisë edhe përpara se të anëtarësohet zyrtarisht në BE.