Kryetari i Bashkisë së Tiranës Erion Veliaj në një takim me të rinjtë, në bibliotekën më të re etë ermërtuar “Moikom Zeqo” në nder të publicistit që u nda nga jeta vitin e kaluar, tha se heronjtë e ditëve të sotme nuk vishen me pelerina, por janë si Luljeta Bozo dhe Najada Çomo, me flokë të thinjura e bluza të bardha, në frontin e parë të luftës për rindërtimin nga tërmeti dhe pandemia. “Sot superheronjtë janë si Najada, që veshin një bluzë të bardhë. Sot super heronjtë nuk veshin pelerina, por kanë thinja si Luljeta, e cila ishte superheroina gjatë kohës së tërmetit. Me sfidën e tërmetit, më shumë se sa shtëpitë, u trondit shëndeti ynë mendor, u kris qetësia jonë psikologjike, prandaj inxhinierja shkonte shtëpi më shtëpi për të dhënë garanci, kryesisht për krisjet në shëndetin tonë mendor, duke na qetësuar” Votuesit për herë të parë mendojnë se Partia Socialiste është forca më e madhe politike, tha Veliaj, duke shtuar se Shqipërisë i duhen njerëz që nuk e braktisin detyrën. “Ne duam që këta njerëz të jenë në Parlament; duam që Luljeta të jetë në parlament për kodet e reja të ndërtimit. Tiranën nuk e shëmtojnë kullat, Tiranën e shëmtojnë ndërtimet pa leje, sepse gjërat e bukura janë të tilla si në Neë York, si në Londër, si në Paris, si në Tiranë. Diçka e shëmtuar, që zë trotuaret, që ndërtohet pa leje, ku ballkoni i fqinjit i futet tjetrit në dhomën e gjumit, ky është problem, kjo është shëmtia” I pranishëm në takimin me të rinjtë ishte edhe kandidati socialist për Tiranën, Alqi Bllako. Ai ka kërkuar angazhimin e të rinjve në politikë, duke u shprehur se kontributi I tyre është mëse I vjefshëm për të ardhmen e vendit.