Një tjetër menaxher rus ka humbur jetën në rrethana pak të qarta. Bëhet fjalë për Andrei Krukoëski, drejtor i resortit të skive të gjigandit rus Gazprom, ka humbur jetën pasi ra në një humnerë në Sochi. Për momentin, episodi po konsiderohet si një incident, por fakti se Krukovski është menaxheri i disatë i lidhur me gazpromin, apo me kremlinin, që ndahet tragjikisht nga jeta në kohët e fundit, ngre shumë dyshime mbi atë cka ka ndodhur. Rrethanat e incidentit janë sidoqoftë nën hetim tani nga zyrtarët rusë. Javën e kaluar, brenda 48 orëve, dy oligarkë rusë u gjetën të vdekur së bashku me familjet e tyre. Të dyja këto ngjarje të rënda janë ende duke u hetuar, ndërsa që nga fillimi i vitit 2022, katër oligarkë të tjerë të lidhur me Rusinë janë vetëvrarë në mënyrë misterioze. Dhe bëhet fjalë për Multimilionerin Sergey Protosenya, që u gjet i varur jashtë një vile në Spanjë me trupat e pajetë të gruas dhe vajzës së tij pranë.