Italia po zgjeron numrin e personave të përzgjedhshëm për një vaksinë përforcuese ndërsa vala e katërt e covidit po mbërthen Evropën. Ministri i shëndetësisë, Roberto Speranca tha se cdo person mbi 40 vjec mund të marrë dozën e tretë duke filluar nga 1 dhjetori. Italia, e ofron dozën përforcuese aktualisht për mbi 60 vjecarët që e kanë marrë dozën e fundit të vaksinës të paktën gjashtë muaj më parë. Vendi nuk është goditur shumë rëndë nga vala më e fundit e pandemisë në krahasim me disa fqinjë veriorë, mes të cilëve austria dhe gjermania, por edhe në krahasim me vendet e evropës lindore. Autoritetet italiane po përpiqen që situata të mbetet njësoj. Ekspertët ia faturojnë këtë situatë disi më të mirtë epidemiologjike në vend, shkallës së vaksinimit. Rreth 84 për qind e italianëve 12 vjec e lartë janë plotësisht të vaksinuar. Që nga fillimi i pandemisë, italia kërkon mbajtjen e maskave në ambjente të mbyllura, në vendi si supermarkete, kinema, kisha etj. Masa të tjera përfshijnë kërkesën për pasaportë vaksinimi në vendet e punës si edhe për të patur akses në ambjente të brendshme në restorante, palestra, muze, teatro etj.