Gjykata Europiane e të Drejtave të Njeriut mbështeti kërkesën e Cekisë për një vaksinim të detyrueshëm të fëmijëve të nivelit parashkollor. Rasi u shqyrtua pas pretendimeve të ngritura nga disa familje që u gjobitën se fëmijët e tyre nuk u pranuan nëpër shkolla pasi nuk ishin te vaksinuar. Gjykata vendosi që ndonëse politika çeke ndërhyn në të drejtën për jetë private, ekziston nevoja e mbrojtjes së shëndetit publik. Rastet e trajtuara ishin të gjitha të periudhës para pandemisë. Por cështja e vaksinimeve rutinë të të miturve ka fituar shumë vëmendje për shkak të COVID-19. Rregullat në fuqi në Republiken Ceke i detyrojnë prindërit të vaksinojnë fëmijët e tyre ndaj një numri sëmundjesh, përvec rasteve kur kjo nuk është e mundur për arsye shëndetësore. Por vaksinat nuk mund të administrohen me forcë dhe fëmijët e pavaksinuar nuk mund të përjashtohen mbi këtë bazë, kur të arrijnë moshën për klasë të parë. Republika Çeke nuk është vendi i vetëm në Bashkimin Europian që zbaton masën e vaksinimeve të detyrueshme të fëmijëve. Vitin e kaluar, Gjermania nisi të respektojë një ligj që u kërkon të gjithë prindërve të vaksinojnë fëmijët e tyre kundër fruthit, në të kundërt përballen me gjobë deri në 2,500 euro, e për këtë sëmundje rregullat e vaksinimit kanë ndryshuar edhe në Itali e Francë.