Top News – Vaksinat e COVAX mbërrijnë në prill/ Manastirliu-kemi parapaguar, jemi në grupin e parë

Vaksinat e para të Astrazeneca të parapaguara nga qeveria shqiptare përmes mekanizmit Covax, do të mbërrijnë në vendin tonë në 1 prill. Lajmin e ka bërë të ditur ministrja e shëndetësisë Ogerta Manistirliu përmes një postimi në Twitter. “Me parapagimin e 3.9 milion dollarë nga qeveria, Shqipëria është në dritaren e parë të sigurimit të dozave të vaksinës #antiCOVID nëpërmjet mekanizmit #COVAX”, thuhet në postimin Manastirlit. Postimi ministres mori shkas nga një postim i kreut të OBSH-së ku ai konfirmonte faktin se shpërndarja e vaksinave Astrazeneca të Oxfordit sipas listës së emergjencës do të nisë më 1 prill të 2020. Shqipëria ka nisur imunizimin anticovid në 11 janar, me 975 vaksinat e para të mbërritura nga Pfizer në vendin tonë, donacion i një vendi të BE, emri i të cilit nuk është bërë publik, për shkak të kërkesës nga ky shtet. vaksimimi kunër koronavirusit ka nisur me ata që janë në vijën e parë të luftës, me personelin e spitaleve covid. Qeveria shqiptare ka nënshkruar marrëveshjen për 500 mijë doza me kompaninë amerikane Pfizer, ku 10 750 të parat duhet të kishin mbërritur këtë javë që po lëmë pas. Por për shkak të ngadalësimit të furnizimit të BE dhe vendeve të tjera jashtë Amerikës nga ana e Pfizer, pritet të mbërrijnë në ditët në vijim. Deri në fund të shkurti, sipas kontratës, nga Pfizer duhet të mbërrijnë në vendin tonë mbi 40 mijë vaksina kundër covid 19.