Kryeministri Edi Rama i shoqëruar nga Ministrja e Shëndetësisë dhe Mbrojtjes Sociale, Ogerta Manastirliu, kanë ndjekur nga afër vaksinimin e të moshuarve në Korçë. Ndërkohë Rama në një deklaratë për mediat ka thënë se brenda javës do të nisë vaksinimi i moshave +65 vjec. Kreu i qeverisë gjithashtu komentoi akuzat e bëra se vaksina ka shkaktuar vdekje, duke mohuar gjithcka në lidhje më këtë cështje. Sa i përket deklaratave nga opozita se nga procesi i vaksinimit ka edhe viktima, Rama tha se sa herë mbi shqiptarët bie një fatkeqësi Lulzimi dhe të tjerët janë me fatkeqësinë, jo me shqiptarët. Ai deklaroi se vaksina nuk mbron nga sëmundjet e tjera pasi nuk është ilaç magjik dhe shtoi se vaksina vetë nuk është shkaktare e humbjes së jetës. Kreu i qeverisë u shpreh se është bërë shumë zhurëmë për asgjë dhe se vaksinimi me AstraZenekan vazhdon kudo, jo vetëm në Shqipëri.