Edhe në shekullin e 21, lufta preket nga moti dhe moti mund të bëhet një faktor në rast të një ofensive ruse në Ukrainë. Pyetja që dëgjohet nga ukrainasit shpesh, e ndoshta edhe nga gjeneralët rusë, është: A ka ardhur Rasputitsa më herët? Rasputitsa është termi për baltën e pranverës, kur udhëtimet në rrugët e rusisë dhe ukrainës bëhen më të vështira. Zakonisht, pasojat e saj ndjehen më shumë në mars, kur bora nis të shkrijë. Por ky dimër, ka qenë si jo zakonisht i butë në Ukrainë. E ndërsa shumëkush pret të bjerë borë, këto ditë, në shumë rajone ka rënë shi. Disa rrugë janë të rrethuara me borë por ajo po hollohet gjithnjë e më shumë si pasojë e motit më të ngrohtë se zakonisht. Analistët ushtarakë po debatojnë ndërkohë nëse një vazhdim i dimrit të butë mund të prekë planet për një ofensivë. Kremlini ka mohuar se do të sulmojë ukrainën, por më shumë se 100 mijë trupa i ka mbledhur në kufijtë e saj, bashkë me armatime të rënda, tanke dhe raketa balistike. Imazhet në mediat sociale, nga disa zona ku janë vendosur forcat ruse, të postuara shpesh nga vetë ushtarët, tregojnë terren të butë dhe të lagësht, e plot baltë. Të dhënat nga copernicus, programi i vëzhgimit të tokës i BE, tregojnë se pjesa më e madhe e evropës lindore është mbi temperaturat normale të janarit. Ukraina po ahstu e kjo ka bërë që toka atje të jetë më e lagësht se normalja. Dhe kjo do të thotë më pak acar e më shumë baltë. E nëse temperaturat bien putin dhe trupat e tij do ta kishin më të vështirë një sulm. Në fund të janarit, pentagoni, tha se kur Ukraina të ngrijë, Putin do të kishte kushtet optimale për të nisur një ofensivë. Tanket ruse, që janë mbledhur afër kufirit të ukrainës, lëvizin më mirë në terrene të ngrira, por sidoqoftë, disa ekspertë mendojnë, se moti, pavarësisht se është një faktor i rëndësishëm, nuk është vendimtar, pasi ushtria ruse po përmirësohet shpejt.