Pentagoni tha se rreth 8500 trupa amerikane të gatshme për luftë, janë në gadishmëri për tu dislokuar shumë shpejt. Por ato do të dislokohen vetëm nëse aleanca ushtarake e NATO-s vendos të aktivizojë një forcë të reagimit të shpejtë ose nëse situata ndryshon shpejt – tha zëdhënësi i pentagonit John Kirby. Ai shtoi sidoqoftë se nuk ka plane që këto trupa të dislokohen në Ukrainë. Disa vende anëtare të NATO-s, mes të cilave Danimarka, Spanja, Franca dhe Holanda, po planifikojnë të dërgojnë bombardues dhe luftanije në evropën lindore për të forcuar mbrojtjen e rajonit. Gjatë fundjavës, rreth 90 tonë armatime vdekjeprurëse amerikane, mes të cilave municione për mbrojtësit e frontit, mbërritën në Ukrainë. Kremlini tha se e sheh naton si një kërcënim për sigurinë dhe kërkon garanci ligjore se aleanca nuk do të zgjerohet më shumë në lindje, përfshirë edhe ukrainën. Por SHBA ka thënë se problemi është agresioni i rusisë dhe jo zgjerimi i natos.