Bordi i transparencës ka publikuar çmimet e reja tavan të shitjes me pakicë dhe me shumicë të karburanteve. Sipas vendimit të bordit, një litër naftë do të shitet me pakicë 184 lekë për litër, nga 187 që shitej pas vendimit të 23 marsit. Çmimi i shitjes me shumicë nuk duhet të jetë më i lartë se 175 lekë për litër. Ndërkohë, nëse nafta është ulur me 3 lek, benzina është rritur. Sipas vendimit të bordit, një litër benzinë nuk do të shitet me shumë se 186 lekë për litër, nga 185 që shitej pas vendimit të 23 marsit. Çmimi i shitjes së gazit nuk ndryshon, duke mbetur në 75 lek. Bordi thotë se bazon vendimmarrjen në luhatjet e çmimeve në bursën mesdhetare të karburanteve, Platz.