Kremlini të mërkurën mohoi përgjegjësinë e sulmeve kibernetike mbi Ukrainë një ditë më parë, që goditën faqe interneti të ministrisë së mbrojtjes dhe forcave të armatosura si edhe të dy bankave shtetërore. Kievi ka lënë të kuptohet se sulmi ka ardhur nga Rusia ndërkohë që vazhdon frika se Moska po planifikon të pushtojë fqinjin e saj perëndimor, të mbështetur nga perëndimi. “Ne nuk dimë asgjë. Sic pritej, ukraina vazhdon të fajësojë rusinë për gjithcka”, i tha zëdhënësi i Kremlinit Dimitri Peskov, gazetarëve. “Rusia nuk ka të bëjë aspak me sulmet kibernetike”, shtoi ai. Faqet e internetit që u vendosën në shënjestër të sulmeve përfshinin ato të bankës shtetërore të kursimeve Oschadbank dhe Privatbank, dy institucionet financiare më të mëdha në vend. Të dyja këto faqe u kthyen në shërbim pasditen e të martës, por ato të ushtrisë mbeten të paaksesueshme ende.