Ukraina ka vendosur forca në mbrojtje të zonës përreth Cërnobilit pas frikës se zona e katastrofës mund të merret në shënjestër në rast të një pushtimi rus. Vendi përreth ish impiantit bërthamor është ende më radioaktivi mbi tokë dhe zona është braktisur pas shpërthimit në 1986. Por, ndërsa frika është shtuar për një pushtim rus, ukraina ka lëvizur tani trupat në rajonin e izoluar në kufirin e saj verior me Bjellorusinë. Javët e fundit është raportuar se Bjellorusia, një aleate e Rusisë, mund të jetë një nga trajektoret që forcat e kremlinit mund të përdorin për të pushtuar Ukrainën. Me rusinë dhe Bjellorusinë që do mbajnë stërvitje të përbashkëta ushtarake në shkurt, Ukraina ka dislokuar tani me mijëra trupa në zonën përreth cernobilit, raporton Neë York Times. Qyteza Pripyat, afër vendit ku Cernobili ngrihej dhe ku jetonin punëtorët e centralit, tani është një qytezë fantazëm. Vetë cernobili është pjesërisht i mbyllur, me një mbulesë gjigande që është ngritur mbi reaktorin e dëmtuar. “Nuk e dijmë se cfarë do të na vrasë e para, virusi, rrezatimi apo lufta”, thotë një punëtor atje.