‘Samiti i NATO-s në Uashington muajin e ardhshëm, duhet të marrë njnë vendim të fuqishëm për Ukrainën’, kështu është shprehur këshilltari për politikë të jashtme i presidentit Volodymyr Zelensky. Ai tha se Kievi synon ta çojë përpara synimin e vet strategjik për t’iu bashkuar aleancës ushtarake, ndërsa është shprehur se nëse në samit nuk merret vendim për Ukrainën, atëherë ai do të jetë I kotë. Me herët, Zelensky është shprehur se Kievi duhet të ftohet për t’iu bashkuar NATO-s në samitin e sivjetmë në Uashington, pasi dështoi të marrë ftesën në samitin e 2023-ës në Vilnius. Shefi i NATO-s Stoltenberg dhe Uashingtoni janë shprehur se nuk presin që 32 anëtarët e aleancës ta ftojnë Kievin për t’iu bashkuar gjatë samitit që mbahet më 9-11 korrik. Samiti pritet të mbahet në kohën që tensionet janë rritur mes Kievit e Moskës, ku Rusia ka paraljëmuar se do të shtojë ofensivën ushtarake në muajt e ardhshëm, ndërkohë që ka nga pas si mbështetëse edhe Korenë e Veriut me Kinën.