Ukraina humbi avionin e saj të parë luftarak Mirage 2000 të marrë nga Franca gjatë një misioni të martën, me pilotin që u katapultua nga kabina dhe është tani i sigurt, tha Presidenti ukrainas Volodymyr Zelensky.Franca filloi të dërgonte avionin supersonik në Ukrainë në fillim të këtij viti për të ndihmuar Kievin të mbronte hapësirën e tij ajrore kundër Rusisë."Për fat të keq, humbëm avionin tonë luftarak. Një avion francez, shumë efektiv, një nga avionët tanë Mirage," tha Zelensky në një fjalim të mërkurën në mëngjes."Piloti arriti të shpëtonte dhe nuk u qëllua nga rusët," shtoi ai.Forca ajrore ukrainase tha se incidenti ndodhi gjatë një misioni fluturimi të martën në mbrëmje dhe se nuk kishte "viktima në tokë"."Piloti raportoi një dështim të pajisjeve dhe më pas veproi me kompetencë, siç pritet në një situatë krize, dhe u katapultua me sukses," tha forca ajrore.Incidenti shënon një tjetër goditje për ushtrinë ukrainase, e cila po vuan nga mungesa e mbrojtjes ajrore përballë sulmeve intensive ruse. Pilotët dhe mekanikët ukrainas janë trajnuar në Francën lindore për të përdorur avionët luftarakë të cilët i janë nënshtruar edhe modfikimeve në mënyrë që të përballojnë teknikat ruse të bllokimit.