Forcat ukrainase goditën me dronë dy rafineri të mëdha nafte në Rusi. Ato targetuan rafienrine e Krasnodarit në jug dhe Syzranin në rajonin e Samaras duke shkaktuar shpërthime dhe zjarre në objekte kyçe për furnizimin me karburant të njësive ushtarake ruse. Permes nje noftimi shtabi i Pergjithshem i Ukrainës tha se operacionet, e zhvilluara në bashkërendim me Forcat e Operacioneve Speciale, kishin për qëllim t’i zvogëlonin mundësitë ofensive të Rusisë dhe ta vështirësonin furnizimin e trupave të saj me karburant. Rafineria e Krasnodarit prodhon rreth 3 milionë tonë benzinë, naftë dhe karburant aviacioni në vit, ndërsa uzina e Syzranit arrin deri në 8.5 milionë tonë çdo vit. Per sulmin ende nuk janë bërë vlerësimet e dëmeve nga ana e Rusise dhe nuk është raportuar për viktima. Nga ana tjeter, forcat ruse ndërmorën një nga ofensivat më të mëdha ajrore të javëve të fundit, duke lëshuar 537 dronë dhe 45 raketa në objektiva në mbarë Ukrainën.