Presidenti Volodymyr Zelensky tha se Ukraina është goditur nga sulmi më i madh ajror I ndërmarrë ndonjëherë nga Rusia, pasi 728 dronë dhe 13 raketa balistike goditën qytete në të gjithë vendin. Zelensky e dënoi “sulmin”. “Vjen pikërisht në një kohë kur janë bërë kaq shumë përpjekje për të arritur paqen, për të vendosur një armëpushim, e megjithatë vetëm Rusia vazhdon t’i kundërshtojë të gjitha.”, tha ai. Sulmi i natës erdhi pasi Presidenti Donald Trump tha se SHBA-të do të dërgonin më shumë armë në Kiev. Të martën, udhëheqësi amerikan shprehu zhgënjim në rritje ndaj Presidentit rus Vladimir Putin. "Putini na thotë shumë budallallëqe, nëse doni ta dini të vërtetën", u tha Trump gazetarëve ndërsa shtoi "Ai është shumë i sjellshëm me ne gjatë gjithë kohës, por rezulton se është e pakuptimtë." Zëdhënësi i Kremlinit, Dmitry Peskov, tha se Moska ishte "mjaft e qetë në lidhje me këtë. Mënyra e të folurit të Trump është përgjithësisht mjaft e ashpër,". Javën e kaluar, pas një telefonate me presidentin rus, Trump tha se ishte "shumë i pakënaqur". "Ai dëshiron të shkojë deri në fund, thjesht të vazhdojë të vrasë njerëz, nuk është mirë", tha Trump për Putinin.