Kongresi meksikan dëgjoi kërkuesit që deklaruan autentikë një set prej tre mumiesh peruane me nga tre gishta, që kohët e fundit janë prezantuar si prova të mundshme të formave të jetës jo njerëzore, ndërsa refuzuan të certifikonin se mbetjet ishin jashtëtokësore. Ligjvënësit fillimisht dëgjuan një gazetar meksikan si edhe entuziastin e ufo-ve, Haime Maussan, më 13 shtator, kur ai prezantoi dy ekzemplarë, në të parin event të këtij lloji në kongres për UFOt. Maussan tha se trupat besohet se ishin gjetur në afërsi të vijave të lashta Nazca në peru dhe nuk ishin të lidhura me asnjë formë jete në tokë. Në sesionin e të martës, Maussan ishte më i fokusuar në provimin se trupat që këtë radhë nuk u ekspozuan, nuk ishin të rremë, duke iu referuar një numri doktorësh që thonin se trupat ishin realë, dikur organizma të gjallë. Sidoqoftë, ai la vend për pikëpyetje për origjinën e tyre. “Asnjë nga shkencëtarët nuk thotë dot se studimet provojnë se ata janë jashtëtokësorë, por unë do të shkoj më tej”, tha ai, duke sugjeruar se ata mund të ishin provë e formave të jetës jo tokësore.