Prokurori Adnand Kosova, i shkarkuar nga Vettingu në vitin 2020, ka fituar çështjen në Gjykatën Evropiane të të Drejtave të Njeriut. Strasburgu ka konstatuar se shkarkimi i tij ishte joproporcional dhe se Shqipëria ka shkelur nenin 8 të Konventës Evropiane për të Drejtat e Njeriut. Në vendimin e 6 tetorit 2026, gjykata vlerësoi se Kosova, i cili shërbeu si prokuror që prej vitit 1986, nuk kishte marrë nga autoritetet shqiptare arsye “relevante dhe të mjaftueshme” për justifikimin e shkarkimit. Çështja lidhej me procesin e rivlerësimit të tij kalimtar dhe kriterin e pasurisë. Kosova ishte konfirmuar fillimisht në detyrë nga Komisioni i Pavarur i Kualifikimit në dhjetor 2018, por vendimi u ankimua nga Komisioneri Publik. Në mars 2020, Kolegji i Posaçëm i Apelimit, me shumicë votash, e shkarkoi nga detyra për problemet e konstatuara në kriterin e pasurisë.