Gjykata e Durrësit ka lënë në burg 8 nga 20 të arrestuarit në lidhje me kontejnerin me banana në Durrës, për të cilin u akuzua se mungonin disa arka. Në përfundim të një seance maratonë u pranua kërkesa e prokurorit të çështjes, Afrim Shehu. Kjo me faktin se punonjësit e sigurisë në port kanë shpërdoruar detyrën, ndërkohë mes të akuzuarve ka dhe punonjës të firmës së bananeve. Vendimi është kundërshtuar nga avokatët mbrojtës të tyre, të cilët pohojnë se vendimi është totalisht I padrejtë. Sipas organit të akuzës, nga këqyrja e bërë në kontejner ka rezultuar se breda ndodheshin 1151 kuti me banana nga 1200 që përcaktohej nëpërmjet dokumentacionit. Pra dyshohet se persona të paidentifikuar kanë zhvendosur prej kontejnerit 49 arka, për të cilat pati akuza se në to fshihej drogë. Gjatë kontrollit u konstatua se kontejneri nuk ishte I vulosur dhe me plumçe, kjo gjë ka ndodhur përpara se të futej në skaner. Në total u morën në pyetje më tepër se 55 persona, ndërsa prania e drogës ende nuk është konfirmuar.