Shtëpia e Bardhë ka bërë të ditur se presidenti i SHBA-së, Donald Trump, ka zhvilluar një telefonatë “pozitive” mbi Ukrainën me presidentin rus, Vladimir Putin. “Presidenti Trump ka përfunduar një telefonatë pozitive me presidentin Putin në lidhje me Ukrainën”, tha në rrjetet sociale zëdhënësja e Shtëpisë së Badhë, Karoline Leavitt. Ajo nuk dha detaje të mëtejshme lidhur me bisedën telefonike. Biseda shënon telefonatën e dytë midis udhëheqësve brenda dy ditësh, pas diskutimit të tyre të mëparshëm para takimit të sw dielws në Florida midis Trumpit dhe presidentit ukrainas, Volodymyr Zelenskyy ku dy liderat diskutuan një plan të rishikuar paqeje për t'i dhënë fund luftës. Zelensky tha se SHBA-të i kishin ofruar Ukrainës garanci sigurie për 15 vjet, dhe Trump tha se një marrëveshje për këtë pikë ishte arritur “afër 95%”. Udhëheqësi i Ukrainës i përshkroi çështjet territoriale dhe centralin bërthamor të Zaporizhzhya-s të pushtuar nga Rusia si çështjet e fundit të pazgjidhura, dhe kishte pak shenja përparimi në të ardhmen e rajonit të kontestuar Donbas të Ukrainës - të cilin Rusia dëshiron ta pushtojë plotësisht.