Donald Trump ua ka dorëzuar kontrollin e tre posteve të larta komanduese të NATO-s vendeve evropiane. Britania do të marrë përsipër selinë qendrore të Komandës së Atlantikut në Norfolk të Virxhinias, ndërsa Italisë i është dhënë përgjegjësia për krahun jugor në bazën e saj në Napoli. Gjermania dhe Polonia do të mbikëqyrin Komandën e Forcave të Përbashkëta në Brunssum, në Holandë, në bazë rotacioni si pjesë e riorganizimit historik. Burime të brendshme të NATO-s këmbëngulën se ky veprim kishte të bënte me marrjen e më shumë përgjegjësive nga vendet evropiane për mbrojtjen e kontinentit, në vend që Trump të largohej nga aleanca. Kjo do të thotë që komandantët evropianë tani do të udhëheqin tre komandat e forcave të përbashkëta të NATO-s në një nivel operacional. "Aleatët kanë rënë dakord për një shpërndarje të re të përgjegjësisë në të gjithë Strukturën e Komandës së NATO-s, në të cilën aleatët evropianë, përfshirë anëtarët më të rinj, do të luajnë një rol më të spikatur në udhëheqjen ushtarake të aleancës", tha një zyrtar i aleancës për tha The Telegraph. Presidenti amerikan ka kërcënuar të luajë një rol më të vogël në aleancë dhe ka diskutuar tërheqjen e trupave nga Evropa për t'u përqendruar në kërcënime të tjera, siç është Kina. Qëndrimi i tij ka vënë në pikëpyetje nëse forcat amerikane do t'u vinin në ndihmë aleatëve të tyre evropianë nëse Rusia do t'i sulmonte. Kërcënimi i Trump për të pushtuar Grenlandën, që është pjesë e territorit të Danimarkës aleate të NATO-s, kërcënoi ta zhyste aleancën në krizën e saj më të rëndë të saj në histori. Në përgjigje, qeveritë evropiane janë përpjekur të rrisin shpenzimet e mbrojtjes dhe t'i tregojnë Shtëpisë së Bardhë se kontinenti mund të qëndrojë në këmbët e veta kur bëhet fjalë për mbrojtjen.