Një makinë ka shpërthyer mëngjesin e së shtunës në Tiranë në fshatin Qesarakë. Makina tip “Porche” e parkuar në në garazhdin e një pallati në pronësi të biznesmenit 40 vjeçar Saimir Naksi, ka shpërthyer si pasojë e lëndës plasëse të vendosur në të. Policia që ka mbërritur në vendin e ngjarjes dhe ka kryer veprimet hetimore ka konstatuar se nga shpërthimi janë shkaktuar vetëm dëme materiale. sipas policisë nuk dihen ende shkaqet se përse i është vënë tritol makinës, ndërsa po punohet për zbardhjen e saj. Grupi hetimor nën drejtimin e prokurorisë po verifikon kamerat e sigurisë që ndodhen në zonë, për të parë nëse ka filimime të autorëve të vënies së tritolit. Biznesmeni Saimir Naksi mësohet se në zonën ku ka ndodhur shpërthimi kishte edhe zyrat e kompanisë së ndërtimit.