286 raste të reja janë shënuar gjatë 24 orëve të fundit, një shtim ky krahasuar me tre ditë më parë, kur infektimet ditore ranë në 141. Ndërkohë, është pak më i ulët numri i jetëve të humbura. 7 qytetarë, tw moshave nga 54 deir nw 71 vjec, e kanë humbur betejën me koronavirusin. Duket se vala e tretë e sëmundjes, që ka prekur tashmë disa vende europiane, nuk do të kursejë as Shqipërinë dhe pritet në fundin e muajit prill. Më herët, Komiteti Teknik i Ekspertëve vendosi që për dy javët e ardhshme masat kundër sëmundjes të vazhdojnë të mbeten të pandryshuara. Ekspertet shprehën shqetësimin se gjatë fushatës elektorale, disa subjekte politike kanë zhvilluar grumbullime në kundërshtim me rregullat e vendosura, ndërkohë që bënë thirrje për zbatimin e rregullave të vendosura.”Ju bëjmë një apel të gjitha subjekteve politike që takimet e tyre elektorale t’i zhvillojnë në përputhje me rregullat, për mos lejimin e grumbullimeve të mëdha, për mbajtjen e distancën fizike, mbajtjen e maskës dhe të gjitha masave që tashmë janë bërë të qarta”, ishte apeli i Komitetit Teknik të Ekspertëve.