E zhdukur prej 3 vitesh, policia e New York ka arritur të gjejë një vajzë 6 vjecare, e cila mbahej e fshehur nga prindërit e saj brenda në bodrumin e shtëpisë. Vogëlushja u rrëmbye nga prindërit në vitin 2019, pasi këta të fundit humbën kujdestarinë e saj. Duke mos pranuar këtë fakt, prindërit biologjikë Kim Cooper dhe Kirk Cultis zgjodhën ta fshehin atë po në banesën e tyre. Lajmi u bë me dije nga mediat e huaja, por ende nuk dihet sesi prindërit humbën kujdestarinë e fëmijës së tyre, ndërsa e mbajtën atë të fshehur për 3 vite. Policia mori disa të dhëna dhe informacione nga fqinjë dhe të afërm të familjes, duke I thënë atyre se vogëlushja nuk ka humbur por ndodhet në banesën e saj, e fshehur nga prindërit. Ishte ky ifnroamcion, ai i cili vuri në lëvizje policinë, ndërsa makthi I 6 vjecares mori fund. Ata shkuan për verifikim edhe pas kontrolleve gjetën vajzën të fshehur në dhomën e improvizuar poshtë shkallëve dhe për këtë arsye arrestuan Kim Cooper dhe Kirk Cultis dhe babain e këtij të fundit.