Masakra që tronditi vendin këtë të mërkurë, me tre gra të vrara dhe tre të tjera të plagosura dyshohet se është kryer nga e njëjta dorë, ajo e Dan Hutrës. Ky është dyshimi që është ngritur nga grupi hetimor i policisë pas mbledhjes së dëshmive dhe provave paraprake nga vendngjarjet, në Paskuqan ku mbetën të vrara Mevulte Hysa dhe Hasime Dafku, nga 30 vjeç dhe në Kodër Kamëz ku është vrarë Elteva Kurti, 31 vjeçe. Tre shtetase të tjera, përkatësisht Elena Hysa, 35 vjeçe dhe ish-bashkëjetuesja e Dan Hutrës, Kujtime Hysa, 60 vjeç, e ëma e saj dhe Marjana Gurakuqi, 40 vjeçe ish e dashura e autorit të dyshuar kanë mbetur të plagosura nga çmenduria e tij.