Mbi 1,000 vetë marshuan në Sarajevë, me thirrjet për dorëheqjen e Qeverisë së Bosnje e Hercegovinës, për shkak të atij që e quajtën trajtim të dobët të pandemisë së koronavirusit. 99 persona kanë humbur jetën në këtë vend gjatë 24 orëve të fundit, një nivel rekord ky për shtetin me një popullsi prej 3.3 milionë banorësh. 7000 janë gjithsej jetët e humbura në Bosnjë që prej fillimit të pandemisë, dhe përllogaritjet tregojnë se ka një ndër shifrat shifrat më të larta për kokë banori në Evropë. Protestuesit bllokuan trafikun në rrugën kryesore të Sarajevës, ndërsa atyre iu bashkuan qindra njerëz nga makinat e tyre. Bosnja e ka nisur shumë vonë vaksinimin kundër koronavirusit, duke përdorur vaksinat e dhuuara nga jashtë. Njëri prej protestuesve, i cituar nga Associated Press u ankua për vonesat, e tha se e drejta për vaksinim është një e drejtë universale. Demonstrata u zhvillua në heshtje, në nder të atyre që humbën jetën nga koronavirusi, ndërsa tubuesit paralajmëruan se do të mblidhen sërish.