Punonjësit e Integrated Energy dhe studentët e Universitetit Polis iu drejtuan liqenit të Prushit për të pastruar mbetjet e lëna nga qytetarët që e frekuentojnë. Pedagogia Enkelejda Kuçaj foli mbi rëndësinë që ka ky bashkëpunim me Integrateed Energy pasi trajtimi i mbetjeve sipas saj është po aq i rëndësishëm sa edhe mbajtja e një ambienti të pastër. Elton Bani është student në departamentin e planifikimit Urban në këtë universitet ku falë bashkëpunimit me integrated Energy ka pasur mundësi të ushtrojë dijet e tij në ambientet e trajtimit të mbetjeve në Sharrë. Administratorja Integrated Energy, Ariola Kodra falënderoi studentët për këtë bashkëpunim ndërsa theksoi rëndësinë e trajtimit të mbetjeve në mënyrë që të mbrohet natyra. Liqeni i prushit ofron një panoramë piktoreske ndrësa ndodhet vetëm pak kilometra larg qendrës së kryeqytetit. Integrated Energy, lider në trajtimin e mbetjeve, ushtron aktivitete të tilla jo vetëm sot që është dita e mjedisit, por në bazë të përditshme pasi prioritet i saj është mbrojtja e tokës në mënyrë që shtëpia jonë e përbashkët të jetë e pastër për të gjithë.