Një tragjedi ka ndodhur në prag të Krishtlindjes në Lihtenshtejn, ku katër anëtarë të një familjeje u gjetën të pajetë. Sipas reuters, policia zbuloi trupat e pajetë të dy burrave dhe dy grave që mendohet se janë anëtarë të së njëjtës familje në anën zvicerane të bregut të lumit Rin, pranë Vaduzit. Shkaku i vdekjes mbetet ende i paqartë, thanë autoritetet zvicerane, nërsa sqaruan se trupat e pajetë u gjetën brenda në një apartament. Sipas gjetjeve paraprake, tre viktimat ishin prindërit dhe motra e burrit 45-vjeçar që po ashtu u gjet I pajetë, thuhet në një deklaratë të policisë së Lihtenshtajnit. Një zëdhënës i policisë konfirmoi se shkaqet e vdekjes së tyre janë ende duke u përcaktuar. Departamenti i Hetimeve Penale i Policisë Shtetërore po heton rastin ndërsa një numër I madh hetuesish janë angazhuar për zbardhjen e ngjarjes .